Manambur Suresh / മണമ്പൂർ സുരേഷ്

ലണ്ടനിലും, പരിസര പ്രദേശങ്ങളിലും 1982 മുതൽ കലാ സാഹിത്യ സാംസ്കാരിക രംഗങ്ങളിൽ തിളങ്ങി നിൽക്കുന്ന തിരുവനന്തപുരത്തെ മണമ്പൂരിൽ നിന്നും എത്തിയ മണമ്പൂർ സുരേഷ്, 76 തൊട്ട് ദേശാഭിമാനിയിൽ എഴുതി തുടങ്ങിയതാണ് , പിന്നീട് കലാകൗമുദി വാരികയിലും അനേകം ലേഖനങ്ങൾ എഴുതിയിട്ടുണ്ട്. ലണ്ടൻ അണ്ടർ ഗ്രൗണ്ടിൽ ട്യൂബ് ട്രെയിൻ ഓപ്പറേറ്ററായി ജോലിചെയ്യുന്ന ഇദ്ദേഹം കേരള കൗമുദിയുടെ ലണ്ടൻ ലേഖകൻ കൂടിയാണ്. രാഷ്ട്രീയ, സാഹിത്യ, സിനിമാ, സാംസ്കാരിക ചുറ്റുവട്ടങ്ങളെ കുറിച്ച് അനേകം ലേഖനങ്ങൾ എഴുതിയിട്ടിട്ടുണ്ട്, ഒപ്പം ധാരാളം യാത്രാ വിവരണങ്ങളും. ലണ്ടനിൽ  ആദ്യമുണ്ടായിരുന്ന ചേതന സ്റ്റഡി സർക്കിൾ മുതൽ ഇന്നത്തെ 'കട്ടൻ കാപ്പിയും കവിതയും' വരെയുള്ള പല കലാ സാഹിത്യ കൂട്ടായ്മകളിലെയും സജീവാംഗം കൂടിയാണ് മണമ്പൂർ സുരേഷ്.