Writers meet with Benyamin@London
'മലയാളോത്സവം 2024' നവംബർ 2, 3 തിയ്യതികളിൽ ലണ്ടനിൽ വെച്ച് നടക്കും!
അനേകം മലയാള കലാസാഹിത്യ പ്രതിഭകളാല് സമ്പന്നമായ യു.കെയില് വീണ്ടുമൊരു എഴുത്തുകാരുടെ സംഗമം 'മലയാളോത്സവം 2024' എന്നപേരില് കേരളപ്പിറവിയാഘോഷത്തോടൊപ്പം ഇക്കൊല്ലം നവംബറിലെ ആദ്യ ശനിയും ഞായറും ദിനങ്ങളില് ലണ്ടനിലുള്ള കേരള ഹൌസില് വെച്ച് അരങ്ങേറുകയാണ്.
യു.കെയിലെ മലയാളം എഴുത്തുകാരുടെ ആദ്യസംഗമം 'മലയാളി അസോസ്സിയേഷന് ഓഫ് ദി യു. കെ (MAUK )'യുടെ ആസ്ഥാനമായ ലണ്ടനിലെ 'കേരളാഹൗസി'ല്വച്ചു 2017 ല് നടത്തുകയുണ്ടായി. അതേത്തുടര്ന്നു 2019 ല് വീണ്ടും സംഘടിപ്പിച്ച സംഗമത്തിനു ശേഷം അനേകം മലയാളി എഴുത്തുകാര് ഈ രാജ്യത്ത് എത്തപ്പെടുകയും, ധാരാളം പുതിയ പുസ്തകങ്ങള് യു.കെ മലയാളികളുടേതായി പുറത്തുവരികയും ചെയ്തു.
വീണ്ടും 2024 നവംബര് 2, 3 തീയതികളിലായി ലണ്ടനിലെ 'കേരളാഹൗസി'ല് 'മലയാളോത്സവം 2024' എന്ന പേരില് വേദി ഒരുങ്ങുകയാണ്. കഥോത്സവം, കവിതോത്സവം, പുസ്തക പ്രദര്ശനം, പുസ്തക വില്പന, ആലാപനം, വിനോദകേളികൾ, കലാ പ്രദര്ശനം എന്നിവ ഈ പരിപാടിയുടെ ഭാഗമായി നടത്തപ്പെടുന്നു. ആദ്യദിനത്തില് ചിത്ര/ശില്പ കലാ പ്രദര്ശനവും രണ്ടാം ദിനത്തിൽ സമ്മേളനങ്ങളും ഉണ്ടായിരിക്കും. ഇതോടൊപ്പം 'എഴുത്തച്ഛന് ഗ്രന്ഥശാല'യുടെ ഔപചാരികമായ ഉത്ഘാടനവും നടത്തപ്പെടും!
എഴുത്തുകാര്ക്ക് അവരുടെ പുസ്തകങ്ങള് പ്രകാശനം ചെയ്യാനും, പരിചയപ്പെടുത്താനും, വില്പന നടത്താനും സൗകര്യമുണ്ടായിരിക്കും. മലയാളി കലാപ്രവര്ത്തകര് സൃഷ്ട്ടിച്ച ചിത്രങ്ങളും, ശില്പങ്ങളും, ഒപ്പം ബ്രിട്ടനിലെ സിനിമാ പ്രേമികള് അണിയിച്ചൊരുക്കിയ സിനിമകളുടെ പോസ്റ്ററുകളും പ്രദര്ശിപ്പിക്കുവാനും സൗകര്യമുണ്ടായിരിക്കും. കലാപ്രദർശനം ലക്ഷ്യമിടുന്നത് അവയുടെ പരിചയപ്പെടുത്തലും വില്പനയുമാണ്.
നിങ്ങളുടെ സാന്നിധ്യം മുന്കൂട്ടി അറിയിക്കുക. താമസ സൗകര്യം വേണ്ടവർക്ക് അതു ന്യായമായ നിരക്കിൽ സംഘടിപ്പിച്ചുകൊടുക്കാൻ തയാറാണ്. വിവിധ പരിപാടികൾ ഭംഗിയായി നടത്താൻ സന്നദ്ധപ്രവർത്തകരെ ആവശ്യമുണ്ട്. താഴെ കൊടുത്തിരിക്കുന്ന ലിങ്ക് വഴി ദയവായി രെജിസ്റ്റർ ചെയ്യുക.
https://www.coffeeandpoetry.org/
അന്വേഷണങ്ങള്ക്ക് പ്രിയവ്രതന് (07812059822) മുരളീമുകുന്ദന് (07930134340) ശ്രീജിത്ത് ശ്രീധരന് (07960212334). www.mauk.org. www.coffeeandpoetry.org
