കട്ടൻകാപ്പിയും കവിതയും സംഘടിപ്പിച്ച പുസ്തകവിചാരം. "റേ മുതൽ ലണ്ടൻ ഫെസ്റ്റിവൽ വരെ" ചർച്ച ചെയ്തപ്പോൾ. ഡോക്ടർ മിഴ്സ സംസാരിക്കുന്നു. ഡോക്ടർ അർച്ചന, ഡോക്ടർ കെ പ്രസന്നരാജൻ, മണമ്പൂർ സുരേഷ് (author) എന്നിവർ. 01.07.2023 @ Kerala house, London
പുസ്തകാവതരണം : Dr KAH മിർസ (മനശാസ്ത്ര വിദഗ്ധൻ, NHS), ആശംസകൾ Dr അർച്ചന സോമൻ (Consultant, NHS), Dr കെ പ്രസന്നരാജൻ, (പ്രശസ്ത സാഹിത്യ നിരൂപകൻ)
മണമ്പൂർ സുരേഷിന്റെ "റേ മുതൽ ലണ്ടൻ ഫെസ്റ്റിവൽ വരെ" എന്ന ഗ്രന്ഥം കേരളത്തിൽ സജീവമായി ചർച്ച ചെയ്യുകയും സ്വീകരിക്കുകയുമുണ്ടായി. നാലു പതിറ്റാണ്ടിലേറെക്കാലം തുടർച്ചയായി ലോകത്തിലെ പ്രമുഖമായ ലണ്ടൻ ഫിലിം ഫെസ്റ്റിവൽ ഒരു പത്രപ്രതിനിധി എന്ന നിലയിൽ കവർ ചെയ്യുകയും ലോകപ്രസിദ്ധരായ സംവിധായകരെ ഇന്റർവ്യൂ ചെയ്യുകയും സിനിമാ പഠനങ്ങൾ അവതരിപ്പിക്കുകയും മലയാള ചിത്രങ്ങളുടെ ഫെസ്റ്റിവലിലെ സാന്നിധ്യം ആഘോഷിക്കുകയുമാണ് മണമ്പൂർ സുരേഷ് "റേ മുതൽ ലണ്ടൻ ഫെസ്റ്റിവൽ വരെ" എന്ന പുസ്തകത്തിൽ. തിരുവനന്തപുരം പ്രസ് ക്ലബ് മുതൽ കോഴിക്കോട്ടെ ദർശനം വായനാമുറി വരെ വിവിധ ജില്ലകളിലായി അഞ്ചു വേദികളിൽ സിനിമാ, സാഹിത്യ, രാഷ്ട്രീയ രംഗത്തുള്ള പ്രമുഖർ പുസ്തക ചർച്ചയിൽ സജീവമായി പങ്കെടുത്തു.
"മലയാള സാഹിത്യനിരൂപണം ജനങ്ങളിൽ നിന്നും അകലുമ്പോൾ ഈ പുസ്തകം ജനഹൃദങ്ങളിലേക്കു ഇറങ്ങിച്ചെല്ലുകയാണ്" എന്ന് പ്രശസ്ത സാഹിത്യകാരൻ റ്റി ഡി രാമകൃഷ്ണൻ വിലയിരുത്തി. ലണ്ടൻ ഫെസ്റ്റിവലിലെ ഈ ലേഖനങ്ങൾ എന്നെ അസൂയപ്പെടുത്തിയിട്ടുണ്ടെന്നു ദേശീയ പ്രശസ്ത സിനിമാട്ടോഗ്രാഫർ സണ്ണി ജോസഫ് പുസ്തക പ്രകാശന വേളയിൽ അഭിപ്രായപ്പെട്ടു.
മണമ്പൂർ സുരേഷിന്റെ ഈ കൃതി ചലച്ചിത്ര കുതുകികൾക്കും, വിദ്യാർഥികൾക്കും, നിരൂപകർക്കു തന്നെയും ആസ്വാദനകരവും പഠനാര്ഹവുമാണെന്നു അടൂർ ഗോപാലകൃഷ്ണൻ പ്രകാശനവേളയിൽ അടിവരയിട്ടു.
കേരളത്തിലെ വിജയകരമായ പുസ്തക പരിചയത്തിനും പത്ര, ടെലിവിഷൻ, റേഡിയോ മാധ്യമങ്ങളിലെ ചർച്ചകൾക്കും ശേഷം ബ്രിട്ടനിലെയും, അയർ ലൻഡിലേയും ചലച്ചിത്ര കലാ ആസ്വാദകർക്ക് മുന്നിലേക്കെത്തുകയാണ് മണമ്പൂർ സുരേഷിന്റെ "റേ മുതൽ ലണ്ടൻ ഫെസ്റ്റിവൽ വരെ" എന്ന ഗ്രന്ഥം.
പുസ്തക പ്രകാശനത്തിലും തുടർന്നുള്ള ചർച്ചയിലും പങ്കെടുക്കാൻ ജൂലൈ 1 ശനിയാഴ്ച വൈകുന്നേരം 5 മണിയ്ക്ക് കേരളാ-ഹൗസിൽ എത്തുക. ഏവർക്കും സ്വാഗതം. FREE EVENT
Venue:
MALAYALEE ASSOCIATION OF THE U.K, KERALA HOUSE, 671 ROMFORD ROAD, MANOR PARK, E12 5AD
Time: 5 pm on Saturday, July 1, 2023
FB Page: https://www.facebook.com/groups/coffeeandpoetry
അന്വേഷണങ്ങൾക്കു ബന്ധപ്പെടുക:
മുരളീ മുകുന്ദൻ +44 7930 134340
മണമ്പൂർ സുരേഷ് +44 7305 402018
പ്രിയവ്രതൻ +44 7812 059822
